AXÚDANOS
Asóciate
Se che gusta o proxecto e queres formar parte do mesmo colaborando mensualmente cunha achega, podes facelo domiciliando a túa axuda no seguinte número de conta:
ES09 2080 5022 1430 0037 8036 SHANGA GALICIA - Odisha INDIA
CIF 36 500 031 ONGD num. 000163
e enviarnos este formulario (dereita) cos teus datos.
Tamén podes asociarte chamándonos a este número : 658 46 28 23, ou enviándonos un email (logo poñerémonos en contacto contigo).
As achegas particulares desgravan o 80% dos 150 primeiros euros e o 35% do resto (40% a partir do 3° ano). Asociarse non implica unha permanencia, podes darte de baixa cando queiras. Calquera cantidade por pequena que sexa será ben recibida (por exemplo, o custo dun interno/a é de 20€/mes).
Para empresas
A empresa, non debería ser exclusivamente de ámbito económico , senón que debería tamén comprometerse no ámbito social. Está constituída por e para persoas, feito que a sitúa como factor clave para xerar grandes avances sociais a través da súa actuación.
A empresa mediante accións de Responsabilidade Social, contribúe ao desenvolvemento económico sostible da sociedade en xeral, e sobre todo o das comunidades nas que non se dan as condicións mínimas necesarias para mellorar a súa calidade de vida.
A colaboración da túa empresa con Shangaindia é unha vía para exercer a solidariedade, un propósito de colaboración mutua na que se benefician todas as partes: a empresa, a organización e as persoas desfavorecidas que reciben axuda.
- Aumento da fidelidade da marca, motivación interna e o compromiso do persoal, reforzo da comunicación e a credibilidade, fomento da cultura de conciencia social.
- Elemento diferencial respecto da competencia. Avance da imaxe pública e recoñecemento da empresa.
- Reducións Fiscais (35% para empresas)
- Aumento da fidelidade da clientela.
LISTA DE VODA SOLIDARIA
Inclúe na túa lista de voda a Shangaindia. Destina a cantidade que queiras para o financiamento do noso proxecto na India. Fai partícipes aos teus amigos/as nesta causa solidaria.
REDONDEO DE NÓMINA
Aínda que pareza mentira, eses céntimos de euro que aparecen na túa nómina a final de mes poden significar unha gran axuda para a escolarización dun neno ou dunha nena. Esta pequena achega multiplicada por todo o persoal da túa empresa será o froito que nos axude a seguir adiante co proxecto. Se che parece unha boa idea, fala cos teus compañeiros/as de traballo desta posibilidade e expoñédea á dirección da empresa. A unión fai a forza.
“Todo o que non dás, pérdese.”
Proverbio Indio
Outro tipo de axudas
